لبست البدله وراحت ركض على القصر لكت الكهرباء طافيه وجان يكلها الحارس هسه شويه ويشعل ابو المولده ونتظرت سندريلا والله شويه وشعل ابو المولده ودخلت وشافها الأميرهناك وركصو شوية صارت الساعه 12 اله ربع كالت اله لازم اروح كالله ليش كالت الكهرباء تجي 12 ولازم نسحب ماي كاللها اشويه ابقى الخاطر نوال الزغبي الخاطر روبي كالت ما طول حلفتني بلعزاز راح ابقه شويه وفجأة دكت الساعة ثنعش وركض صارت تهرول تهرول لحد موكعت شحاطتها على الدرج وهاي الشحاطه مالت جوارينهم طلبتها منها الحاصل
سندريلا راحت على البيت وتمنت لو انه الساعة ما دكت على الثنعش، بس شتسوي بحظها الاكشر مثل حظ هذا البلد.
الأمير حط فردة الشحاطة على مخدة يمكن لونها زركة أو خضرة،كال لبوه بويه لازم اريد اعرف منو هاي صاحبت الشحاطه المهم صار يصيح بصوت عالي على كل البنات علمود يقيسون الشحاطة،قاسوا كل البنات إلا سندريلا .....
سندريلا نزلت على الساحة ووياها الفردة الثانية مال الشحاطة، وحطتها على المخدة وتفكر اشون ارجع الجارتنه بس فرده وحده شيكلون عليه الخ،
وسمعت الخبر الملك يدور بلزباله على سندريلا كالت خلي اروح بلكي ينطوني الشحاطه وارجعها هيه مو علمود الشحاطه راحت علمود اتشوف الملك الغبر ابن الغبر ولمن اقتربت دتقيس الشحاطة ضربها الامير راشدي،وكللها: هيييي وين جايا،:
كلتله: عما بعينك شكد سخيف,يعني مدتشوفني دا قيس الشحاطة
كللها:' وحدة مثلج شلون تريد تكون مثل ذيج الكمر،
باوعي على نفسج جنج قرد
هيه جانت لابسه بوشيه حته محد يعرفها
كلتله: هسا اشوفك واحطها بعينك هاي الشحاطة ونشوف منو القرد
ولمن جتي دتقيسها،مطلعت على كدها، لأنه جانت مورمة من الشغل الهوايه، وخطيه محد صدكها، واتخبلت البنية وتكول سودة علية وجان تنصدم صدمه كلش قويه
وظلت تفتر بالشوارع وتبجي وتصيح ، والأمير اتزوج غيرها وكال: لشوكت حظل ادورعليها انشاء الله درب الصد ومارد الله يطيح حظها هي الخسرانه سوجها ليش ماشادة الشحاطة بلاستيك اذا رجلها مثل البعير
عاش الامير عيشة سعيدة وماتزوج سندرلا طايحة الحظ الي ما تزوجت
وظلت تفتر بلشوراع ياما رايحه ياما جايه
وهناك للقصه بقيه
الثلاثاء سبتمبر 25, 2007 8:14 am
