تعالو شباب جايبلكم نكت اتخبل بس مو احلى منكم استلمو واحد طلع ويه مرته حتى تشتري حذاء . هي تريد كعب عالي هو يريده فلات .. ابو المحل كله عيني دخليها براحتها , الرجال كله اخويه هو منو راح ينضرب بي اني لو انته؟ههههههههههههههههههههههههه
يقولك محشش ضاعت محفظته فراح عند الشرطه-الشرطه قالوا له انت روح البيت وراح نطلعها ولو من تحت الارض فهو ورايح البيت شاف عمال البلديه يحفروا قالهم ايوا شدوا الهمه المحفظه لونها احمر ههههه
ثنين سكارى.واحد منهم عثر كال (بسم الله )الثاني كله اشلون تكول هيجي؟؟أحنه مو كفار.كله اي صدك-استغفر الله
محشش يسولف مع صديقه و جته فكره و قل للصديقه..خل انصير فنانين تشكيليين..انت تشكيلي و انا اشكيلك
محشش طلبت منه المحكمة اوراق ثبوتية البيت جابلهم صورته ديغسل الكراج
محشش شاف اخته ويا واحد كال اليوم ويا واحد باجر راح تدخن
واحد محشش صار عصبي على صاحبته كتبلها شعر
ليش انت هيج وياي .. ليش انت هيجي من صرت هيج وياك .. صرت انت هيجي
محشش كمشوه الشرطه.. شغلوا الانذار.. گللهم لك خل نگلب .. كبسه
شيخ جامع محشش وجعه راسه.. أخذ حبايه أسبرين ومالكه ماي.. تيمم
واحد محشش منع زوجته من زيارة اهلها يخاف علة نفسة من انفلونزا الطيور,كلتلة زوجتة: بس اهلي ما عندهم لا بط ولا دجاج ولا طيور, جاوبهة: بس امج بومة
محششين ثنين قلدوا سيارة النجده.. واحد يصيح: ويو وييو وييو.. والثاني يصيح: أحمر أزرگ...أحمر أزرگ
حشاش عطس ... صاحبه كح.. كلله ليش تغير الموضوع؟
شيخ جامع دخل على جماعه يحششون.. كاللهم: حرام عليكم.. كالوله كلهم: وعليكم الحرام ورحمة الله شيخنا.
محشش يسوق سياره ..وگفه شرطي المرور گال له إجازتك؟..گلله: أي حشيش؟
محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟
محشش عوّز .. دز إبنه يجيب عوازه.. أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه
بالباب گال له: إبن الكلب وين صارلك ساعه ؟هوّه هنانه براس الشارع
محشش راح للمطار يستقبل أبوه باس الجنطه وشال أبوه
حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟
حشاش ضرب صديقه راشدي، كال له: لك هذا صدگ لو شقه؟.. قال : لا صدك.. كال إي عبالي.. لإن أني ما أتحمل الشقه
محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: زين وإنته؟
محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گاللها: اوكي بس لتتأخرين
محشش رجع للبيت متأخر ..مرته فتحتله الباب.. ضربها وكاللها وين ليهسه متأخره بت النعال؟
محشش كامش الدجاجه ويضرب بيها ويكول: يا بنت الككلب كل يوم بيض!! ماكو فد يوم جبن؟.. كيمر؟
محشش سأل مرته : عندج طماطه وبصل وبتيته ودجاج ؟ كالت : اي عندي , كال: لعد سويلنه كيك
واحد محشش اتصل على ناس كال : هذا بيت سعد؟ قالوا لا .. .قال لهم : لعد ليش تردون
حشاش گال لبو التكسي: توديني وين؟ وادفعلك شگد؟.. أبو التكسي هم محشش.. گال له أنزل هنا وإدفع شگد ما يعجبك
محشش سألوه: بيش الساعه؟ گال:هاه؟ كالوله: بيش الساعه؟ گال: آها
محشش كال للبكال: عندك جكاير كنت؟؟؟ كلله نعم.. كال: آني همينه
محشش فتح الثلاجه شاف الجلي يرجف كلله: لا تخاف ما آكلك.. جيت اشرب مي بس
محشش خابر الشرطة، كاللهم: انباك الدشبول والستيرن مال سيارتي.. وره شويه خابرهم كاللهم: العفو شباب سامحوني ... جنت كاعد بالمقعد الخلفي
محشش راد يتعرف على بنية كال الها اقدملج نفسي تلعب
محشش راد يصجم بنية كال حليب ماكو بالسوق هالكيمر منين؟ البنية جاوبته جلد ماكو بالسوق هالقندرة منين؟
محشش يحجي ويه نفسه : ضفدع بالماعون لأ . تمساح بالبانيو هم لأ .. سلحفات بالسطل لأ . أحسن شيئ اخابر على الدكتور واساله : دكتور شنوكتلي مرضي ؟ كال سرطان بالحوض
محشش طلعله جني باليل مجان حافظ شي من القرأن غناله طلع البدر علينا
واحد محشش كال للبصفه هم محشش: ادنه دا اكعد جاوبه ذاك كله :ادنه تحت اقدام الامهات
محشش اشترئ لامه عصفوورين واحد بس يغرد والثاني ساکت گلتله ليش ساکت هذا گلها هذا الملحن .
واحد محشش راح لابو صيدلية كله عندك شريط فلو اوت كله اي، كله حطة خلي نسمعه
محشش اتصل ببوش وكله: احب ان ابلغك انو قررنا اعلان الحرب على امريكا ! رد بوش: ممكن أعرف انتو منو؟ المحشش: وانا واصدقائي أبوزلف وأبوعبدو وأبولبن وكل الحشاشة بالكهوة، يعني8 رجال تقريبا!! رد بوش بضحكة: بس تعرف انه عندي مليونين جندي تحت امري؟ المحشش: هاي معلومة جديدة تحتاج مشاورات دقيقة مع الشباب، ثاني يوم اتصل المحشش ببوش و قله: بعد مانعلن الحرب على امريكا، رد عليه بوش باستغراب: وشنو السبب؟ المحشش: الصدك غير؟ ماعدنا مكان يوسع مليونين اسير
عشرة محششين ديتشاقون بالرشاشات خمسه ماتو و3 تصوبو بقو ثنين كالو خل نبطل لتصير صدك
محشش بالامن لازم ارهابي وكاعدله دك بالصوندة ويكله: ابن الكلب اعترف, جم مرة مفجر نفسك؟.
واحد حشاش ابوه مات اخذه للمغيسل كله اريدة غسل و كوي
تحشيشات العيد: تعال = تعال ابو الاصبع /هسه = هسه لو تبليط/ اريده = اريده لو مجلة /كلكم = كلكم لو بهارات /حيل = حيل لو نومي بصرة /نومي = نومي لو كعدي / حنان = حنان وكعدوني فد شوية /هدير = هدير بانزين للمولده /انته = انته لو شعير/ ينكت = ينكت مي /مي = مي عز الدين /قديمة = قديمة مال هاون /حنطة = حنطة دبلوماسية /جاي = جاي وحليب/ هاي = هاي وكهوة /باي = باي وشربت/ شطوله = شطوله مال لبن /عاجل = عاجل عكله /مباشر = مباشر لو عكب باجر /حدس = حدس وتمن /سامر = سامر روحه من السطح
محشش دخل عليه عزرْْْْْأيل قاله انا ملك الموت قاله خرعتني عبالي مغاوير
س : ما هو وجه الشبه بين (اللبن) و (الحبانية)؟
ج : نشيل حرف اللام من كلمة ( لبن ) فتصير ( البن )، ومعناها قهوة. واحنا نشرب قهوة بشنو؟؟ بالفنجان. وعبد الحليم الله يرحمة غنى اغنية ( قارئة الفنجان )، وبالعراقي نسمي اللي يقرا فنجان ( فتاح فال )، وقبل كان عدنا حارس مرمى اسمه ( فتاح نصيف )، زين نشيل ( فتاح ) من الجملة، شيبقى عدنا؟؟ كلمة ( نصيف )، واحنا قبل وين كنا نصيف؟؟ (بالحبانية )... اذن (اللبن) = (الحبانية )..
محشش خابر على وزارة الدفاع شالوا التليفون كالوا الدفاع اتفضلوا كلهم انطوني الكولجي
واحد و ابنه من اكله لحوم البشر شافو هيفا وهبي بالغابه الابن كال لابوه ناخذها البيت وناكلها ,,كال الاب ناخذها للبيت و ناكل امك
فار سكران كال كل البزازين جوة قندرتي , اندار شاف هر اسود كال بس ابو سمرة على راسي
دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.
طليان ثنين كاعدين.. الأول گال: ماااااااع.. الثاني گال سبحان الله هسة ردت اگولها
مصري اشتغل بالسعوديه راعي غنم .. رجع لمصر سألوه أهله : كنت بتشتغل إيه .. گال : بافسح المعيز
قزم شارك ابرنامج من سيربح المليون قبل ميصعد على الكرسي طلب مساعده الجمهور
قائد التحالف بلعمارة.. المحامده تلث تيام يوكلوه بس دهن حر.. آخر شي طگت روحه گلهم: مذهب الحگه كافي... شنو آني بولبرين؟؟
أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟؟ گال: ماگولن.... بكيفي.
ثور كص كرونه كالوله ليش كال : صارت مزعطه.
واحد اشتره سياره رقمهه سليمانيه يوميه يلگه تايراتهه فاشه.. فد يوم ظل سهران يشوف منو ..طلع جيرانه الكردي يفش بالتايرات ويشتم الهوه ويصيح: أفيشششش هوه سليمانيه.
عجوز شافت ذيب، خافت.... گللهه لاتخافين ماأحب النواشف.
سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.
ثنين سكاره وكفهم شرطي المرور كال: شاربين؟؟ كالوا: لا.. كال: لعد ليش ثنيناتكم عيونكم حمر؟؟ كالوله: مو إحنه كرايب
خروف خانته نعجة، وگف تكسي ... گلله اقرب مطعم باچه... أخره بهيچ حياة .
ناصريه صب لأبوه گهوه.. گلله ابوه: شخبار الخباثه؟؟ گلله: نص الدله ديتول.
حشاش راح يعزي بواحد فكل لأهله شجان يشتغل المرحوم كالوله حفار كبور كال المحشش ايبااااا صدك من حفر حفرة لاخيه وقع فيها هههههههههه
الأحد سبتمبر 23, 2007 7:09 pm
