بعد ماظل بيه صبر والصبر جم دوب..انا المشتاك اشم ريحة وطنه
انا المشتاك اشوفن كل الاحباب..لان فراكم كسر ظهرنه
الفركه نار واعترف نار الجحيم..واحنه من النار وك مايع جلدنه
يمته نرجع ونشوف العراق ويمته ترجع كل سوالفنه وسمرنه
وعلى شطك كعدنه شكد يابو النواس..وبيك شكد حلوه لمت شملنه
بس سمعنه اخبار هزت كل الكلوب..الكتل والموت صاير جمله عدنه
وسمعنه الجار شيل جاره هاليوم..وليش هذا يصير وبسرعه تفرقوا ياوسفه اهلنه
مليت الغرب وراجع اشم بغداد..بغداد العوسه الجنها جنه
بيج تغازلت كل الاشعار..وكذب هيهات يوصفهه شعرنه
بس بغداد شفت بعيني مو بغداد..اسود لون تلبس ياقهرنه
وشفت بغداد تشكيلي ياناس..وشفت بغداد متغيره الملامح
وشفت الساعه سبعه الكل يطبون..وعلى الحيطان كثرانه اللوايح
مات فلان ابن فلان ابن فلان..وشكن كلبي صدكوني النوايح
وسمعت مريه تصرخ وين الوليد..اني امك اريدك وين رايح؟؟
مشيت وشفت منظر ماصدكت العين..شفت منظر الموتيم الجسر لايح
وشفت رجال شايل شبجه..وعلى غفله سمعت الرجال صايح
صدنه السمجه يابني كومجر وياي اني انكسر ظهري والحمل طايح
جروا بالشبج بس مالكوا سمجات..لكوا رجال ميت وبالبحر طايف
شجابه على البحر لتكلي اليموت اليوم رايح..ولتكلي البحر يغدر تره السابوح عدنه الموت صاير
ولك صافح حط ايدك بايدي وانسه كل الصار..شنهو ترده انت وشنهو احنه نريده
خل نبني الوطن ونعلي سيطهالفوك..وتصير مسامح انت وخل اني اسامح..
الخميس ديسمبر 13, 2007 3:24 am