طبعا هاي اول مشاركه الي واتمنى التثبيت لان الاكله مينشبع منهه
تبسي كباب بالباذنجان
المقادير
طبعا ماعرف المقادير بالضبط بس راح انطيكمياهه مثل ما اني اسويهه:
* 3الى 4 حبات باذنجان اسود فحم متوسطة الحجم ويفضل تكون طويله ومابيهه بزر
*3 حبات طماطه
*جم فص ثوم بكيفكم وحسب الرغبه
هاااا واهم شي هو اللحم المثروم فد نص كيلو او اقل وياه شويه طحين حتى لينمرد بالتقلاه
*كرفس
*كجب ومعجون طماطه وشويه فلفل اسود وملح
*تبسي فارغ ومغسول نظيف
هسه نجي على طريقة العمل:
اول شي نكطع البيتنجان بشكل طولي وتكون متوسطة السمك ونكليهه بالطاوه وبدهن غزير بعد ان نملحهه
وبعدين نخبط اللحم المثروم ويه الثوم المهروس والملح والفلفل الاسود والطحين ونسوي منهه اصابع وكذلك تتكله بالدهن
وهسه بعد ان خلصنه تكلاه نجيب شريحة البيتنجان ونحط الكبابايه بيهه ونلفهه عليهه ونستمر بعملية اللف الى ان يكمل التبسي وينترس
هسه نقطع الطماطه شرائح ونخليهه بين قطع البيتنجان والكباب بالتبسي يعني نترس الفراغات
واخيرا نسوي الصلصه اللي هيه عباره عن معجون وكجب وفلفل اسود وملح وشويه مي وكرفس
واخيرا وليس اخرا ندير الصلصه فوك التبسي وندخلهه الفرن..........طبعا من تجي الوطنيه........ واذا ماكو وطني نغلف التبسي بالسيلوفين ونحطهه ع النار الى ان ينشف ميه.... واذا تريدون بيه شويه مي مو مشكله حسب رغبتكم....
واخر شي نرش شويه كرفس فريش ع الوجه والف عافيه
هاااااااااااااااا..........شلونهه الاكله بداعتي.....مو تنسون الردود فدوه....
الأربعاء سبتمبر 19, 2007 3:36 am
